රොබෝ ජනපති.

 

    මුලින්ම කිවයුත්තේ මෙය විහිලුවක් ලෙස නොගතයුතු බවයි.
    ජනාධිපතිවරයාගේ ජනහමු, නිරීක්ෂණ සංචාර, ඔහුගේ පක්ෂයේ රැස්විම් සඳහා ජනාධිපති වරයා සහභාගි වනවිට ඔහු සඳහා අමතර ආරක්ශක වියදමක් යෙදිය යුතුවේ.
    එසේම ජනතාවගේ එදිනෙදා ජීවිතයටද එයින් බාධාවක් වේ.
මේ ගැටලු සඳහා රොබෝ තාක්ෂණය යොදාගත නොහැකිද?
    ඒ සඳහා අවශ්‍ය සරල රොබෝවකි. 
රෝද 4ක ටොලියක් මත දන්ඩක් සවිකර ඒ මත සමචතුරස්‍රාකාර පරිගනක තිරයක් සවිකරන්න
    කැමරා සහ මයික අවශ්‍ය පරිදි දන්ඩට සවිකරන්න.
    ගඳ සුවඳ දැනෙන සංවේදකයක්ද සවිකරන්නේ නම් මැනවි.
සුලඟ පිලිබඳ දත්ත ගතහැක සංවේදකයක්ද තිබීම හොඳය.
ඊට අමතරව එක් රොබෝ අතක්ද තිබීම හොඳය. ඒ අත තුල ඇඟිලි වලට අමතරව කුඩා කැමරාවක්ද සවිකිරීම හොඳය.

ක්‍රියා කරවන ආකාරය

    ජනාධිපති කාර්යාලය තුල විශේෂ වීදුරු කුටියක් තුල ගේමක අසුනක් ( Gaming Chair) සවිකරන්න. ජනාධිපති එය මත වාඩිවී අතත්‍ය යතාර්ථ හිස්වැසුමක් පැලඳගත යුතුය.
    ඔහුගේ උදව්වට තොරතුරු තාක්ෂන ශිල්පියෙක්ද සිටිය යුතුය.
එයින් ඔහුට රොබෝව සමග සම්බන්ධවිය හැක. 
එහිදී රොබෝවට ලැබෙන සංවේද අනුව හිස් වැසුම හරහා රූප ශබ්ද විඳිමට  අමතරව කුටිය තුල උෂ්ණත්වය, සුලඟ ගඳ/සුවඳ ආදිය සකසා ජනපතිට වඩා සජීවී අත්දැකිමක් ලබාදිය හැක.
ජනපතිගේ මුහුන රොබෝගේ පරිගනක තිරය හරහා ජනතාවට දැකගත හැක.
අවශ්‍ය නම් අතට අතදීම. අත වැනීම වැනි දේද කල හැක.
මෙවැනි යන්ත්‍ර කීපයක් සාදා ගැනීමෙන් ජනපතිට ජනතාවට වඩාන් සමිපවීමට අමතරව  ආරක්ෂක වියදමත් විශාල ලෙස අඩුකරගත හැක.

නන්දා මාලිනී ගැන මගේ විචාරය.

 මම පාසලේදී සෞන්දර්යය විෂයය ලෙස මොකක්හරි එකක් තෝරාගත යුතු නිසා චිත්‍ර විශයය තෝරාගත් අයෙක්මි.
මට සංගීතය ගැන ශ්‍රාස්ත්‍රීය දැනුමක් නැත. ඒත් නන්දා මාලිනී ගැන විචාරයක් කරන්න එය බාධාවක් වියයුතු නැත.

සමාන්තර විශ්ව දෙකක් සලකන්න.
ඒ දෙකම අපගේ විශ්වයට සර්ව සම්පූර්ණව සමානයි, එක වෙනසක් හැර.
විශ්ව දෙක A හා Bයැයි හිතමු.
Aහි ප්‍රියා සූරියසේන මහතා ගායකයෙක් ලෙස කටයුතුකර නැත.
Bහි නන්දා මාලිනී ගායිකාවක් නොවේ.
නමුත් දෙකේම ඔවුන්ගේ ගීත ලියැවි ඇත. ඒවා වෙනත් ගායකයන් ලවා ඉදිරිපත්කර ඇත.
A සලකමු.
ප්‍රියාගේ ගීත අමරසිරි පීරිස්, ආත්මා ලියනගේ, සුනිල් පෙරේරා වගේ අයට ගැලපෙන්නේ නෑනේ.
ඒ නිසා මිල්ටන් මල්ලවාරච්චි, අතුල අධිකාරි,  ග්‍රේෂන් ජයමහ, රූකාන්ත, නාමල් උඩුගම, ෂර්ලි වෛජයන්ත වගේ අයට නම් හරියයි.
ක්‍රිස්ටෝෆර් පෝල් කිව්වොත් කොහොම වෙයිද දන්නෙ නෑ. ජෝතිපාලටත් ටිකක් හරියයි.
නමුත් නිසැකවම කිවහැකි දෙයක් තමයි ඒ ගිත එකක් වත් ප්‍රියා සූරියසේන නැතිව මෙතරම් සාර්ථක වෙන්නේ නෑ.

දැන් B විශ්වය ගනිමු.
නන්දා මාලිනීගේ ගීත වැඩි හරියක් වෙනත් ගායිකාවන්ට ගැයුව හැකිබව මගේ අදහසයි.
විශේෂයෙන්ම ඇය ගැයූ බටහිර ආරයේ ගීත වෙනත් ගායිකාවන්ට වඩා හොඳින් ගැයුව හැකි බව පෙනෙයි.
උදාහරණ ලෙස 
"මේ සිර මැදුරෙන් පැනයන්නට හැකිනම්" ගීතය දැක්විය හැක.
ඇගේ ගොඩක් ගීත මාලිනී බුලත්සිංහලට වඩා හොඳින් ගැයුව හැක.
උදාහරණ ලෙස "සකුරා මල් පිපිලා" ගීතය දක්වමි.

නන්දා මාලිනී නැතිවම බැරි ගීතත් ඇති බව දැක්විය යුතුයි. ඒ අතින් හොඳම උදාහරණය 
"බුද්ධානුභාවේන සිත් නෙත් පහන් වී" ගීතයයි.
"තරුද නිදන මහ රෑ" ගීතය ගැන ඇත්තේ මිශ්‍ර හැඟීමකි.

නන්දා මාලිනී යනු අතිවඩන ලද (Overrated) සාමාන්‍ය ගායිකාවක් බව මගේ මතයයි.
නන්දා මිලිනියගේ සාර්ථකවීමට එකම හේතුව සුනිල් ආරියරත්න මහතා සමග ඇති සම්බන්ධය හරහා සමාජ සම්බන්ධතා ගොඩනගා ගැනීමට හැකිවීමයි. ඒ හරහා ඇයට උසස් පද රචනා සහ සංගිතඥයන්ගේ සහය ලබාගන්න හැකිවූ බවත් කිව යුතුයි.
එසේම රාජ්‍ය ජනමාධ්‍ය වලින් ඇය සහ අමරදේව ගායක යුවලක් ලෙස ඇඟවීමට කටයුතු කල අයුරද සැලකිය යුතුය.
ඇත්තටම ඇයත් අමරදේවත් අතර විශේෂ කලා සම්බන්ධයක් ඇතැයි මමත් කලක් සිතා සිටියෙමි.

 

මගේ වීඩියෝ විීවරය

 EXE

 SRC 

 

 

මගේ නවතම නිර්මාණය: සරල සහ කාර්යක්ෂම වීඩියෝ විවරයක් (Video Viewer)

අද මම ඔබ සමඟ බෙදා ගැනීමට කැමතියි මගේ මෑත කාලීන මෘදුකාංග සංවර්ධන ව්‍යාපෘතියක් ගැන. මම නිතරම කැමතියි මගේ අවශ්‍යතාවයන්ට හරියටම ගැළපෙන මෙවලම් මටම නිර්මාණය කරගන්න. ඒ අනුව, මම මගේ පෞද්ගලික භාවිතය සඳහා සරල නමුත් කාර්යක්ෂම වීඩියෝ විවරයක් (Video Viewer) නිර්මාණය කළා.

මෘදුකාංගයේ ඇති විශේෂාංග

මෙම මෘදුකාංගය සෑදීමේ මූලික අරමුණ වූයේ දැනට පවතින බොහෝ වීඩියෝ වාදකවල නොමැති අත්‍යවශ්‍ය පහසුකම් කිහිපයක් සපුරා ගැනීමයි:

• සත්‍ය පරිමානයෙන් නැරඹීම (Original Size / 1:1 Scale): පරිගණක තිරයේ ප්‍රමාණයට ගැලපෙන පරිදි වීඩියෝව විශාලනය වීම වෙනුවට, වීඩියෝව එහි සැබෑ පික්සල් ප්‍රමාණයෙන් (Original resolution) නැරඹීමට මෙමගින් හැකියාව ලැබෙනවා. පරිගනක තිරයට වඩා විශාල වීඩියෝ සියුම්ව නරඹන්න එය ප්‍රයෝජනවත්.

• යතුරුපුවරු පාලනය: යතුරුපුවරුවේ 'Arrow Keys' භාවිතයෙන් ඉතා පහසුවෙන් එක් වීඩියෝවක සිට තවත් වීඩියෝවකට මාරු වීමේ පහසුකම.

• කාලරාමු පෙරදසුන (Timeline Preview): වීඩියෝ කාලරේඛාව (Timeline) මත මවුස් එක ගෙන යන විට එම රූපරාමුව (Frame) කුඩා පෙරදසුනක් ලෙස දැකීමේ හැකියාව. (මෙය ක්‍රියාත්මක කිරීමට: ධාවනය > වීඩියෝ කාලරේඛා පෙරදසුන තෝරන්න).

  ආපසු ධාවන හැකියාවද එක්කලෙමි ඒ සඳහා R බොත්තම ඔබන්න

තාක්ෂණික පසුබිම

මෙම මෘදුකාංගය සඳහා මම වීඩියෝ විදැහුම්කරණ එන්ජිම ලෙස libmpv-2.dll ලයිබරිය යොදා ගත්තා. ඒ සඳහා අවශ්‍ය දැවටුම් කැලැසියක්('Wrapper' එකක්) නිර්මාණය කිරීම මට සිදු වුණා.

ප්‍රදාන දැවටුම් කැලැසියට අමතරව පෙරදසුන් සඳහා තවත් දැවටුම් කැලැසියක් හැදුවා 

කේතනය සඳහා ජෙමිනි සහ චැට් ජිපීටී නොමිල කෘතිම බුද්ධි සහායකයන් හවුල්කරගත්තා.
ඒවා ඕනෑකමින්ම මාව රස්තියාදු කලා කියලා හිතෙනවා.
විශේෂයෙන්ම වීඩියෝවක රූපරාමුවක පින්තූර ගැනීමේදී, අමුදත්ත පින්තූරයක් බවට හැරවීමේ කේත සැකසීමේදී විශාල  රස්තියාදුවක් වුනා.

මෘදුකාංගය භාවිතා කිරීම

මෙය පූර්ණ විවෘත කේත (Open Source) මෘදුකාංගයක්. කැමති ඕනෑම කෙනෙකුට මෙය නිදහසේ වැඩිදියුණු කළ හැකියි.

• අවම පද්ධති අවශ්‍යතා: 64-bit වින්ඩෝස් මෙහෙයුම් පද්ධතිය සහ .NET 4.8 පාරිසරිකය (Runtime).

මගේ මේ කුඩා නිර්මාණය ගැන ඔබේ අදහස් දැනගන්න මම කැමතියි.

බෞද්ධ දර්ශණය: ශාකීය පුනරුප්පත්තිය

 

 

සියලු සත්වයෝ දවසක  නිවන් දකියි නම් ඇයි දැන් සත්වයෝ ඉන්නේ?

 

මම මේ ප්‍රශ්නෙට උත්තරය අනන්තය සංකල්පය ඇසුරෙන් පැහැදිලි කලා.

 

මට හිතුණා වෙන උත්තරයක් බලන්න

සත්වයෙක් මියගියා ම තවත් එක සත්වයෙක් ලෙස ම උපදින්න ඕනෙ ද?

දෙන්නෙක්  විදියට උපදින්න බැරි ද?

තුන් දෙනෙක්?

අනන්තයක්??

 

එනම් ලිපිය ලියන මමත් කියවන ඔබත් පෙර භවයක එකම පුද්ගලයා ව සිටින්න ඇති.

නමුත් මම නිවන් දැක්කා කියලා උඹ නිවන් දකින්නේ නෑ.

අනාගත භවයනුත් ඒ විදියට ම අතු බෙදෙමින් යනවා ඇති

 

ඇයි බුදු හාමුදුරුවෝ ඔහොම කිව්වේ නැත්තේ?

ඒ උඹලා බයවෙන හින්දා

එයා එහෙම නෑ කියලත් කිව්වේ නෑ

 

හොඳට බුද්ධාගම දන්න කෙනෙකුගෙන් විවේචනයක් බලාපොරොත්තු වෙනවා.

දෙවියන් වහන්සේට මුදල් මැවිය හැකි ද?

 

ජෙරම් ප්‍රනාන්දු නබිවරයාගේ අධ්‍යාත්මික පියා වන
යූබට් ඒන්ජල් නබිවරයා, ජෙරම්ගේ ආරාධනයෙන් ලංකාවට පැමිණි විට
මුදල් මවා දීමක් කල බව වාර්තාවිය.
මේ ගැන විවේචනය කල වෙනත් කිතුනු සභාවල දේශකයන් ඒ ගැන පැසවුවේ මේ කතාවයි.
ඔහු බෙදූ මුදල ඇත්ත මුදලක් නම් එය වෙනත් අයෙක් සතු මුදලක් වියයුතුය.
එනම් දෙවියන් වහන්සේ හොරකමක් කර ඇත.
එම මුදල දෙවියන් මවා ඇති මුදලක් නම් දෙවියන් වහන්සේ හොර සල්ලි අච්චු ගසා ඇත
දෙවියන් වහන්සේ මේ දෙකම කරතැයි සිතිය නොහැකි නිසා එම මුදල් මැවීම විය නොහැක.

නමුත් වෙනත් පැහැදිලි කිරීමක් නැද්ද?

දෙවියන් වහන්සේ සිටියා වූ, සිටින්නා වූ, මතු ඉන්නාවූ තැනැන්වහන්සේය
අකාලිකයානෝය.
එතුමා අතිතය වෙනස් කර නබිතුමාගේ අතට මුදල් ලැබෙන ලෙස වර්තමානය සැකසූවිට එසැනින් සත්‍ය මුදල් නබිවරයාගේ අතට ලැබෙන සේක.

භාෂාව නමැති දෘෂ්ටිමය අවිය: ෆිදෙල් කැස්ත්‍රෝගේ "ලතින් පවුර" ලෝකය වෙනස් කළේ නම්...

  

විසිවැනි සියවසේ ලෝක දේශපාලනය උඩුයටිකුරු කළ කියුබානු විප්ලවය, හුදෙක් මිලිටරි සහ ආර්ථිකමය හැරවුමක් පමණක් නොවීය. 1959 දී ෆුල්ජෙන්සියෝ බැටිස්ටාගේ දැඩි ඇමරිකානු ගැති, දූෂිත ඒකාධිපති පාලනය බිඳදමමින් ෆිදෙල් කැස්ත්‍රෝ බලයට පත්නොවූයේ නම්, කියුබාව අදටත් කැසිනෝ සහ සූදු කල්ලිවලින් පිරුණු, ඇමරිකාවේ "සූදු සහ විනෝද නගරය" (Las Vegas of the Caribbean) වීමට බොහෝ දුරට ඉඩ තිබුණි.

නමුත් විප්ලවයෙන් පසු කැස්ත්‍රෝ බලයට පත් විය. සීතල යුද්ධයේ සාම්ප්‍රදායික දේශපාලන රාමුවෙන් ඔබ්බට යමින්, කැස්ත්‍රෝ විසින් ස්පාඤ්ඤ භාෂාව (Spanish Language) හුදෙක් සන්නිවේදන මාධ්‍යයකින් එහාට ගෙන ගොස්, ඇමරිකානු අධිරාජ්‍යවාදයට සහ සංස්කෘතික ආක්‍රමණයට එරෙහි ප්‍රබල "සංස්කෘතික හා දෘෂ්ටිමය අවියක්" ලෙස මුදාහැරියේ නම් ලෝක ඉතිහාසය ලියවෙන්නේ කෙලෙසද?

 

1. භාෂාමය අධිරාජ්‍යවාදයට එරෙහි "ලතින් පවුර"

ඇමරිකාවේ ගෝලීය බලයත් සමඟ ඉංග්‍රීසි භාෂාව ලෝකය පුරා ව්‍යාප්ත වීම සංස්කෘතික ආක්‍රමණයක් ලෙස දුටු කියුබාව, පිරිසිදු ස්පාඤ්ඤ භාෂාව රැකගැනීමේ දැඩි රාජ්‍ය ප්‍රතිපත්තියක් ක්‍රියාත්මක කරනු ඇත. ඉංග්‍රීසි වචන මුසුවූ 'ස්පැංග්ලිෂ්' (Spanglish) වර්ජනය කරමින්, "අපේ භාෂාව - අපේ ශක්තිය" යන තේමාව පෙරදැරිව කලාපීය හිස්පැනික් සහයෝගීතාවයක් ගොඩනැඟීමට මෙයින් මඟ පෑදේ.

මෙය දේශපාලනික වශයෙන් "සංස්කෘතික පළිහක්" වන අතර, ඇමරිකානු සිනමාව, සංගීතය සහ පාරිභෝගික සංස්කෘතිය ලතින් ඇමරිකාවට ගලා ඒම වළක්වන දෘෂ්ටිමය පවුරක් බවට පත්වනු ඇත.

2. ඇමරිකා එක්සත් ජනපදයට එල්ල වන බරපතළ බලපෑම

 

මෙම උපක්‍රමයේ දරුණුතම බලපෑම එල්ල වන්නේ ඇමරිකාව ඇතුළතටමය. වර්තමානය වන විට ඇමරිකානු ජනගහනයෙන් 19%කට වඩා වැඩි ප්‍රමාණයක් (මිලියන 65කට ආසන්න පිරිසක්) හිස්පැනික් හෝ ලතින් ඇමරිකානු සම්භවයක් සහිත ජනතාවයි.

ඇමරිකානු දේශපාලන සහ මාධ්‍ය ව්‍යුහය විසින් කළු ජාතිකයන් සහ ආදිවාසීන් "සුළු ජාතීන්" (Minorities) ලෙස නිරන්තරයෙන්ම පුම්බා පෙන්වන්නේ, රටේ ප්‍රධාන සුලු ජාතිය වසන් කිරීමටයි. නමුත් කැස්ත්‍රෝගේ භාෂාමය මෙහෙයුම හරහා මේ 19%ක ජනතාව තමන්ගේ සංස්කෘතික අනන්‍යතාවය වටා රොද බැඳ ගත්තේ නම්:

• ඇමරිකාව ඇතුළත දැඩි සංස්කෘතික හා දේශපාලනික බෙදීමක් ඇතිවේ.

• ඇමරිකානු රජයට "English-Only" (ඉංග්‍රීසි පමණයි) වැනි දැඩි ව්‍යවස්ථාපිත නීති පැනවීමට සිදුවේ.

• දීර්ඝකාලීනව, කැනඩාව වැනි ඇමරිකා එක්සත් ජනපදය ද නිල වශයෙන්ම ඉංග්‍රීසි සහ ස්පාඤ්ඤ යන භාෂා දෙකම භාවිත කරන ද්විභාෂික රාජ්‍යයක් බවට පත්වීමට බලකෙරේ.

3. ගෝලීය බලවතුන්ගේ හැසිරීම: චීනය, රුසියාව සහ ඉන්දියාව

මෙවැනි සංස්කෘතික සීතල යුද්ධයකදී ලෝක බලවතුන් හැසිරෙන්නේ සම්පූර්ණයෙන්ම වෙනස් ආකාරයකටයි:

රට / බලවේගය	හැසිරෙන ආකාරය සහ උපායමාර්ගය
රුසියාව (සෝවියට් දේශය)	"සතුරෙකුගේ සතුරා මගේ මිතුරා" න්‍යාය මත හිඳිමින්, ලතින් ඇමරිකාවේ ස්පාඤ්ඤ ප්‍රචාරක නාලිකා සහ විප්ලවීය මුද්‍රණාල වෙනුවෙන් අතිවිශාල මූල්‍ය සහ මිලිටරි අනුග්‍රහයක් දක්වයි. ඇමරිකාව තමන්ගේ "පසුපස මිදුලේ" කොටු කර තැබීමට මෙය අවස්ථාවක් කරගනී.
චීනය	ඉංග්‍රීසි බස ප්‍රතික්ෂේප කරන ලතින් ඇමරිකාවට ස්පාඤ්ඤ සහ පෘතුගීසි භාෂාවලින් ක්‍රියාත්මක වන විකල්ප තාක්ෂණික හා මෘදුකාංග පද්ධති (Alternative Tech Ecosystems) සපයමින්, කලාපයේ දැවැන්ත ආර්ථික ඒකාධිකාරයක් ගොඩනඟයි.
ඉන්දියාව	සම්පූර්ණයෙන්ම අර්බුදයකට (Chaos) ලක්වේ. එක පැත්තකින්, ලෝකයේ භාෂාමය උණ ඉන්දියාව ඇතුළතට කාන්දු වී හින්දි සහ දකුණු ඉන්දියානු භාෂා අතර අභ්‍යන්තර බෙදුම්වාදී ගැටුම් ඇවිළේ. අනෙක් පැත්තෙන්, ඉංග්‍රීසි බස මත පදනම් වූ ඉන්දියානු IT සහ සේවා ආර්ථිකය ගෝලීය වශයෙන් හුදෙකලා වේ.

4. යුරෝපයට වන බලපෑම

ස්පාඤ්ඤයේ සහ පෘතුගාලයේ මව්බිම යුරෝපය බැවින්, යුරෝපා මහාද්වීපය දේශපාලන උභතෝකෝටිකයකට මැදිවේ. බටහිර කඳවුරේ සිටිමින් ඇමරිකාව වෙනුවෙන් කැස්ත්‍රෝව විවේචනය කිරීමට ඔවුන්ට සිදුවන අතරම, තමන්ගේ භාෂාව ලෝක විප්ලවීය අවියක් වීම ගැන වක්‍ර සංස්කෘතික ආඩම්බරයක් ඇතිවේ. ඇමරිකාවේ වර්ගවාදී නීති මඟහරිමින් ලතින් ඇමරිකානුවන් විශාල වශයෙන් ස්පාඤ්ඤයට සහ පෘතුගාලයට සංක්‍රමණය වීම (Reverse Migration) නිසා යුරෝපයේ ජනගහන විද්‍යාව වෙනස් වේ.

5. වසර 1000කට පසු අනාගතය (ක්‍රි.ව. 3026)

 

මෙම සංස්කෘතික පවුර ශතවර්ෂ ගණනාවක් තිස්සේ පරිණාමය වී වසර 1000කට පසු බලන විට, මිනිස් ශිෂ්ටාචාරය ළඟා කරගන්නා ඉරණම අතිශය විශ්මයජනකය:

• මන්දාකිණි ලතින් ශිෂ්ටාචාරය: මානවයා විශ්වය ජනපදකරණය කරන යුගයක, අභ්‍යවකාශයේ ප්‍රධාන සන්නිවේදන මාධ්‍යය බවට පත්වෙන්නේ "පෘථිවි-ලතින්" (Terran-Latin) අනන්‍යතාවයයි.

• ඉංග්‍රීසි මළ භාෂාවක් වීම: අතීතයේ ලතින් බසට සිදුවූවාක් මෙන්, ඇමරිකානු ආධිපත්‍යයේ බිඳවැටීමත් සමඟ ඉංග්‍රීසි භාෂාව ඉතිහාසඥයන් පමණක් පරිශීලනය කරන මළ භාෂාවක් බවට පත්වනු ඇත.

• පාරිසරික පුනරුදය: ඇමරිකානු පාරිභෝගික ධනවාදය වෙනුවට, ආදිවාසී "මව් පෘථිවි" (Pachamama) දර්ශනය තාක්ෂණය සමඟ මුසුවීම නිසා වසර 3026 වන විට පෘථිවිය දේශගුණික විපර්යාසවලින් තොර හරිත පාරාදීසයක් බවට නැවත පත්වනු ඇත.

සාරාංශය: භාෂාව යනු හුදෙක් අදහස් හුවමාරු කරගන්නා මෙවලමක් පමණක් නොවේ. ඉංග්‍රීසි භාෂාව ලෝකයේ "පාලන සහ තාක්ෂණික" මෙවලම වෙද්දී, ව්‍යුහාත්මකව වඩාත් විද්‍යාත්මක (ෆොනටික්) සහ කලාත්මකව වඩාත් මානුෂීය වූ ස්පාඤ්ඤ බස දෘෂ්ටිමය අවියක් කරගත්තේ නම්, අද අප දකින ඇමරිකානුකරණය වූ ලෝකය වෙනුවට සංස්කෘතිකමය වශයෙන් වඩාත් ස්වාධීන, විවිධත්වයෙන් යුතු සහ සමබර ශිෂ්ටාචාරයක් බිහිවීමට ඉඩ තිබුණි.

මගේ අන්තර්ජාල රේඩියෝ වීවරය

 EXE

SRC 

වැඩි විස්තර අවශ්‍ය නොවෙතැයි සිතමි.
පිටරටවල ඇති සිංහල ගුවන්විදුලි නාලිකා සඳහන් කරන්න.